Jesús Pastor García Brigos pentsalari eta militante kubatarra Euskal Herrian da

Jesús Pastor García Brigos pentsalari eta militante kubatarra dugu (beherago informazio gehiago). Datozen egunetan Euskal Herrian izango da Gite-Ipes eta Ipar Hegoaren iniziatibaz.

Atzoko egunez Iruñan eta Donostian izan zen esperientziak elkarbanatu eta Kubako iraultzan garatzen ari diren eraldaketak azaltzeko. Ahotsako kideak berarekin izan ziren eta aurrerapen bezala bideo hau egin dute. Datorren astean ordea, Bilbon hitzaldi bi eskainiko ditu:

 

  • Ekainaren 16an, arratsaldeko 18:30etan, UPVk Bilboko zazpi kaleetan, “Banco de España” kalean duen aretoan: La transformación socialista en Cuba y el socialismo como sistema: Cuba-Rusia-Europa del Este
  • Ekainaren 17an, arratsaldeko 18:30etan, Sanfrantzisko auzoko Kultur Etxean: El papel de la Conciencia Nacional en la Historia de Cuba. Momentos clave en la Cuba socialista.

Ez galdu aukera hau, hurbildu eta parte hartu!

 

Jesús Pastor García Brigos (Kuba, 1951)

Pentsalari eta militante kubatarra. Fisika ikasketekin hasi eta filosofian doktoretzen da SESBen 1986an eta 1982tik da Filosofia Institutoan ikertzaile titular. Garaian Kuban zabaltzen den “Akats eta Joera negatiboen Zuzenketa Prozesuaren” baitan murgiltzen da, batez ere, esfera ekonomiko eta politikeon arteko harremanean, kubatar Estatua eta demokrazian eta gobernua eta herritarren partehartzean sakontzeko. Sozialismoa prozesu bezala aztertzeko ikerketa askotan parte hartu du eta nazioartetik maiz deitu dute ekonomia eta politika aztertzeko kubakogarapen sozialistaren esperientziatik.

Azken hamarkadan, kubatar Estatuaren zuzendaritza prozesua aztertzeko programa nazional bat zuzendu du, Kubako Alderdi Komunistak ustelkeria aztertzeko deitutako lan-taldeko kide izan da eta 2007tik hona, espezialista talde bat zuzentzen du jabetza sozialista aztertzeko. Era berean, Kubako Langile Zentralaren Aholkularitza Batzorde Zientifikoko kide da, Informatika Zientzietan irakasle, eta “La Obra de Carlos Marx y los desafíos del Siglo XXI” Nazioarteko Konferientzietako koordinatzaile akademikoa da, besteak beste.

Bere ekarpen teorikoarekin bat, aktibismo politiko handia egin izan du, UJCn ardura ezberdinetan 13 urtez, buruzagi sindikal ondoren, 1980an bere auzoko Iraultzaren Defentsarako Batzordeko Presidente hautatu zuten, 1986an bere udalerriko Herri Asanbladan Barrutiko Ordezkari hautatu zuten arte, gaur arte ia etemik gabe bere lanarekin uztartu duen ardura. Honetaz gain, Habana Hiriko Asanblada Probintzialeko Ordezkari izan da eta Vedado-Maleconeko Herri Batzordeko Presidente.

Jesusen lana, praktikaren garrantziaren testigu garbia da, ekinbide teorikoarekin duen lotura estuaren testigu, zeinak azken egiaztapen iturri eta irizpideak eguneroko jarduera eraldatzailean dituen. Hain zuzen ere, hauxe izan da kubatar esperientzia iraultzailearen garapenean oinarrizko zimendu.

Advertisements

AGUR ETA OHORE IGOR!

Brasilen duela bi hilabete izaniko istripu baten ondorioz Igor Urrutikoetxea LAB eko nazioarteko harremanetarako arduraduna hil dela jakin ostean ASKAPENAk honakoa jakinarazi nahi luke:

Lehenik eta behin doluminik sentituenak eta animorik beroenak Igorren sendi eta lagunei eta LAB eko militante guztioi. Bigarrenik, ASKAPENAtik  azpimarratu nahi genuke Igorren izaera internazionalista, gainerako borrokak bere egin izan ditu, hainbat aldiz brigadista bezala joanez,  Palestinara, Saharako lurralde okupatuetara aurtengo brigadetan bezala, baita Kurdistanera eta beste hainbat txokotara ere.

Euskal Herrian antolatu diren elkartasun esparru orotan izan da partaide eta bultzatzaile, EH Palestina Sarean, boikotaren aldeko ekimenak bultzatuz, Kolonbiakoa errepresioa salatuz, Kuba edo Venezuelako prozesu iraultzaileak babestuz, Greziar edo Andaluziako langileriarekin bat eginez…

Guretzat beraz, balio handiko internazionalista bat galdu dugula esatea dagokigu, tristuraz baina bidean jarraitzeko irmotasunez, mila esker Igor, adiorik ez!

Hamaika herri borroka bakarra!

askapenadolua

IGOR URRUTIKOETXEA BILBAO BURKIDEAREN HERIOTZAREN GAINEKO OHARRA

igorlabIgor urrutikoetxea Bilbao, LAB sindikatuko nazioarteko arduraduna, bart gauen hil da, Brasilen. Rio De Janeiron orain hilabete izan zuen istripu baten ondorioz hil da LABeko zuzendaritzako kidea, bertara joana zen, MFSren (Munduko Federazio Sindikala) metalgintzako (UIS-MM) Kongresuan parte hartzera.

Azken urteetan, LABek bere gain izan du UIS-MMko idazkaritza orokorraren ardura, Igor Urrutikoetxea buru zela, eta kargu aldaketarako kongresua zen Brasilen antolatutakoa.

Igor Urrutikoetxea Lezaman jaio zen, orain 38 urte. Nazioarteko arduraduna zen 2008tik, LABeko exekutiboko kidea eta MFSko munduko kontseiluko partaidea. Sindikatuko idazkaritza juridikoan egin zituen lehen urratsak, eta ondoren, Hego Uribe eskualdeko arduradun izatera pasatu zen. LABeko metalgintzako arduraduna ere izan zen, lau urtez, nazioarteko idazkaritza bere gain hartu aurretik.

Hilabete osoa eman du istripuen ondorioen kontra borrokan, baina ez du aurrera egiterik izan. LABetik gure esker onak adierazi nahi diegu tarte honetan, egun gogor hauetan lagundu diguten guztiei, bai hemen, baita Brasilen bertan ere.

LABek  jasotako elkartasuna eskertu nahi du
Planetako txoko guztietatik jasotzen ari garen elkartasuna eskertu nahi dugu, bereziki, FSM, CTB sindikatu brasildar eta PCdoB Brasilgo alderdi komunistako kideek azken hilabete honetan zehar emandako babesa eta laguntza.

Gure lagun eta burkideak 38 urte zituela utzi gaitu, baina bere lanak, engaiamenduak eta borrokak bizirik diraute.

AGUR ETA OHORE, IGOR.
JO TA KE, IRABAZI ARTE!

L.A.B.

GAUR 18:00tan VICTORIA EUGENIAN, KONTZENTRAZIOA KUBAKO IRAULTZAREN ALDE!

yoaniaznar

yoani-usa

ASKAPENA quiere denunciar la hipócrita presencia de la gusana Yoani Sanchez en el Festival de Derechos Humanos de Donostia. Si esta mercenaria respaldada y financiada generosamente por los enemigos de Cuba quiere desvirtuar la que debería ser la naturaleza de este Festival, no será sin escucharnos. ¿Acaso quiere denunciar en Donostia faltas de derechos humanos? ¡Pues que denuncie la reciente condena y detención de los jóvenes donostiarras!

 Para mostrar nuestro rechazo a la presencia de esta mercenaria y mentirosa al servicio del imperialismo, y para mostrar nuestro firme apoyo a la Revolución cubana os convocamos HOY MIÉRCOLES A LAS 18:00 FRENTE AL VICTORIA EUGENIA

YOANI MERCENARIA Y MENTIROSA!
GORA KUBA SOZIALISTA!

¿Quién es Yoani Sanchez? – artículo en CubaDebate

¿Quién está detrás de Yoani Sanchez? – La Jornada, CubaDebate